Ipinaabot po ng Embahada ang paanyaya ng Overseas Workers Welfare Administration (OWWA) para sa lahat ng Overseas Filipino Workers (OFW) at Filipino Community Organizations sa South Korea na makilahok sa gaganaping "Balik Saya Para sa OFWs sa South Korea Handog ng DMW-OWWA" at patimpalak na "OFW Got Talent" sa ika-26 ng Marso 2023 sa Seoul, South Korea.

Ang programang ito, na inilunsad sa pakikipagtulungan ng Embahada ng Pilipinas sa Seoul, POLO-OWWA, at Seoul Filipino Catholic Community, ay naglalayong magbigay ng kasiyahan at kaalaman para sa kapakanan ng mga OFWs sa South Korea.

Upang makasali sa "OFW Got Talent", basahing mabuti ang kalakip na Contest Mechanics, at magpa-endorse sa isang Filipino Community Organization. Magpa-rehistro online sa https://form.jotform.com/230347785643059 mula ika-6 hanggang ika-20 ng Pebrero 2023.

Kung may katanungan, pakitawagan lamang po si Ms. Nica Somido o Ms. Joey Fiedacan ng POLO OWWA sa (02)3785-3635.

Sali na po, kabayan!