Dahil sa patuloy na pagdami ng kaso ng COVID-19 dito sa South Korea, narito ang ilang paalala mula sa Pasuguan ng Pilipinas:

1. Pumunta lamang sa Embahada kung ang kinakailangang serbisyo ay maituturing na urgent o emergency;

2. Ang mga taong may transaksyon lamang ang maaaring pumasok sa loob ng Embahada, at hindi na kailangan magsama pa ng iba (kaibigan man o kamag-anak) maliban na lamang kung sila ay kasama ng: (1) aplikanteng menor de edad o (2) mga taong may kapansanan o persons with disability (PWD);

3. Para sa kapakanan ng nakararami, ang lahat ay kailangang magsuot ng face mask sa loob ng Embahada;

4. Huwag pumunta sa Embahada kung kayo ay nakakaramdam ng mga sintomas ng COVID-19, tulad ng lagnat, ubo, masakit na lalamunan at hirap sa paghinga;

5. Sundin ang mga payong pangkalusugan upang makaiwas sa COVID-19, tulad ng:
madalas na paghugas ng kamay o paggamit ng alcohol-based hand sanitizers; pag-iwas sa mga taong may lagnat, ubo, sore throat at nahihirapang huminga; pag-iwas sa paghawak sa mata, ilong at bibig; at pagtakip ng bibig at ilong tuwing uubo o babahing;

6. Pansamantalang iwasan ang pagdalo sa mga malalaking pagtitipon o public gatherings;

7. Kung kayo ay nakakaramdam ng mga sintomas ng COVID-19, kaagad na tumawag sa Korea Centers for Disease Control and Prevention (KCDC) sa numerong 1339 o 1345 (para sa wikang English o Filipino). Ang KCDC ay handang tumulong sa lahat, kahit ano pa ang inyong visa status sa Korea.

Ang Embahada ay bukas ng Linggo hanggang Huwebes, mula ika-10 ng umaga hanggang ika-12 ng tanghali at mula ika-1 hangang ika-3 ng hapon. Ang mga gustong mag-apply o mag-renew ng passport ay kinakailangang magpa-takda sa website ng Embahada, www.philembassy-seoul.com.

Umaasa ang Pasuguan ng PIlipinas sa inyong pang-unawa at pakikipagtulungan.

Maraming salamat po.

10 Marso 2020