Pinapaalalahanan ang mga Pilipino sa South Korea, lalo na ang mga nakatira malapit o nagtatrabaho sa sektor ng agrikultura, na mag-ingat sa lumalaganap na Foot and Mouth Disease (FMD).

Ang FMD, bagaman napakadalang malipat sa tao, ay nakamamatay. Kadalasang nahahawa ang mga direktang humahawak ng apektadong hayop gaya ng baboy, baka, kambing o kabayo. Maaari ding mahawa sa taong maysakit. Kasama sa sintomas ang lagnat, singaw sa bibig at pagsuka. Malaki ang epekto ng FMD sa agrikultura dahil sa bilis nitong pagkalat sa hayop. Kadalasang pinapatay ang daan-daang hayop para maiwasan ang pagkalat nito. Pansamantala ring tinitigil ng ibang bansa ang pag-import ng karne mula sa mga apektadong bansa. May mga naulat nang FMD sa Cheongju, Gyeonggi, Gimpo at Ganghwa. Huling nagkaroon ng FMD sa South Korea noong 2000 at 2002.