Pinapaalalahanan ang mga rehistradong Pilipino sa South Korea na isang linggo na lang ang nalalabi para sa Overseas Absentee Voting (OAV).

Hinihikayat ng Philippine Embassy ang lahat ng hindi pa bumoboto na samantalahin ang pagkakataong pumili ng mga lider na mamumuno sa Pilipinas sa susunod na anim na taon. Bukas ang Philippine Embassy araw-araw mula ika-9 ng umaga hanggang ika-6 ng gabi. Sa Mayo 10, kung kailan magsasara ang botohan ng ika-7 ng gabi, ang huling araw ng OAV. Bukas ang Philippine Embassy para sa OAV ng Sabado at Linggo, maging sa Miyerkules, Mayo 5, isang holiday sa Korea dahil sa Children’s Day.